Adriatik Lapaj, lideri i iniciativës ‘Shqipëria Bëhet’, ka reaguar ndaj ironive të Taulant Ballës, kreut të grupit parlamentar të Partisë Socialiste, i cili në një deklaratë të sotme përmendi Lapajn, Shehajn dhe Arlind Qorin. Balla i quajti ata “udhëheqësit e Shqipërisë së Re” për angazhimin e tyre në protestat qytetare.
Lapaj ndau një video të një qeni që leh, duke e përdorur atë si simbol për Taulant Ballën, duke theksuar se ashtu siç nuk do të mund ta ndryshonte kreu i PS-së, as fjalët e tij apo të Edi Ramës, nuk mund të zhbëjnë rëndësinë e protestës.
“Taulant, pavarësisht sa shumë leh, ti nuk e ndryshon dot realitetin se ti dhe Edi Rama jeni dy hajdutë që keni grabitur e po vazhdoni të grabitni Shqipërinë. Jeni bashkautorë të një sistemi që ka detyruar mbi 1 milion qytetarë të ikin nga ky vend, duke sjellë varfëri e mjerim. Çfarëdo që të thoni, nuk do të ndaloni protestën. Ftoj çdo qytetar të dalë masivisht çdo ditë në orën 7 përballë Taulantit dhe allajisë së tij, bandës së hajdutëve që udhëheq Shqipërinë me anë të vjedhjes,” deklaroi Lapaj.