Vera e këtij viti ka një rëndësi të veçantë për mbrojtësin nga Shkodra, Flori Spahija. Pas një periudhe të parë jashtë kufijve të Shqipërisë, ai ka arritur një formë optimale dhe tani është në një moment vendimtar për të ardhmen e tij.
Spahija përfundoi edicionin e kaluar me KF Vjosën në Ligën e Parë të Kosovës, ku ishte në huazim nga Prishtina, klubi që e ka në pronësi që nga vera e kaluar, pas transferimit të tij nga Vllaznia. Gjatë qëndrimit në Kosovë, ai ka shkëlqyer, tejkaluar problemet fizike të kaluar, duke siguruar vazhdimësi dhe duke u shpallur si një nga mbrojtësit më të vlerësuar në këtë ligë.
Me karakteristika si mbrojtës në qendër ose në krahun e majtë, Spahija është bërë një objektiv i rëndësishëm për shumë klube, duke përfshirë edhe Prishtinën e tij që e ka në pronësi.
Prishtina pritet ta ketë përsëri në dispozicion këtë verë, duke e konsideruar atë një opsion të vlefshëm për mbrojtjen e skuadrës nën drejtimin e Orges Shehit. Megjithatë, interesimi për Spahijën ka ardhur gjithashtu nga klube të tjera të Superligës së Kosovës dhe nga Kategoria Superiore.
Avantazhi mbetet Prishtina, me të cilën 23-vjeçari kishte nënshkruar në verën e kaluar me synimin për t’u bërë një lojtar kyç. Por, duke parë formën e shkëlqyer të treguar në muajt e fundit, Spahija kërkon një ekip ku të ketë hapësirat e nevojshme për të shprehur potencialin e tij dhe për t’u kthyer në një opsion të rëndësishëm për klube të tjera.
