Hile Curri shpreh gatishmërinë për të garuar në Pukë dhe Fushë-Arrëz: Vendimin e marrin demokratët

Kryetari aktual i Bashkisë Fushë-Arrëz, Hile Curri, ka shprehur ambicien për të kandiduar edhe për Bashkinë e Pukës në zgjedhjet vendore të 9 majit, duke vënë në diskutim një përballje të mundshme me Rrok Dodajn.

Në një deklaratë për zgjedhjet e ardhshme, Curri u shpreh se opozita duhet të marrë pjesë në garë, pavarësisht vështirësive politike. Ai deklaroi se është i gatshëm të kandidojë për të dyja bashkitë, nëse kjo do të jetë dëshira e anëtarësisë së Partisë Demokratike.

Sipas tij, përzgjedhja e kandidaturave duhet të bëhet përmes procesit të primareve, ndërsa vendimin përfundimtar do ta ketë anëtarësia e partisë.

Curri theksoi se do t’i bindet vullnetit të demokratëve, duke argumentuar se synimi i tij është rikthimi i dinjitetit dhe vëmendjes ndaj komuniteteve që, sipas tij, janë lënë pas dore.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

Më të lexuara

Lexo edhe