Gjykata e Lartë ka pushuar çështjet e mëparshme ndaj Ardian Hajdari, i cili ishte dënuar për mosdeklarim pasurie.
Ish-gjyqtari i vettingut kishte paraqitur rekurs në Gjykatën e Lartë kundër vendimit të dënimit.
Trupa gjykuese me relator gjyqtarin Gent Shala vendosi prishjen e vendimeve të mëparshme dhe pushimin e gjykimit të çështjes, pa e kthyer atë për rishqyrtim në gjykatat më të ulëta.
Hajdari u kallëzuar penalisht në SPAK për “Falsifikim dokumentash” dhe “Fshehja e të ardhurave” në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.
Prej 7 shkurtit 2022, Hajdari është pezulluar nga detyra në KPA, pasi u mor i pandehur nga Prokuroria e Posaçme. Ai u gjykua për veprat penale të “fshehjes së të ardhurave” dhe “deklarimit të rremë të pasurisë”.
Në vendimin final gjykata vendosi pushimin e akuzës për veprën tjetër penale “falsifikimi i dokumenteve” dhe e dënoi ish-anëtarin e KPA-së vetëm për veprën penale të fshehjes së pasurisë.
