Gjimnazistët dhurojnë solidaritet në strehëzën e Shkodrës

Në kuadër të Javës së Familjes, në Strehëzën për Fëmijët pa Kujdes Prindëror u zhvillua një aktivitet plot ndjeshmëri dhe solidaritet, organizuar nga Bashkia Shkodër në bashkëpunim me Act4Shkodra dhe shkollën Zani i Shkodrës.
Gjimnazistët, me iniciativën dhe kontributin e tyre vullnetar, dhuruan pako me dhurata për fëmijët rezidentë në strehëz, duke sjellë jo vetëm buzëqeshje, por edhe një mesazh të fortë humanizmi dhe përkujdesjeje.
Ky aktivitet tregoi edhe një herë frymën e solidaritetit dhe ndjeshmërisë sociale tek të rinjtë, të cilët përmes gjesteve të thjeshta përcollën dashuri, afërsi dhe mbështetje për fëmijët.
Në kuadër të Javës së Familjes, Bashkia Shkodër ka ndërmarrë disa iniciativa sociale dhe ndërgjegjësuese, me fokus mbështetjen e familjes, fëmijëve dhe forcimin e solidaritetit në komunitet.