Protesta qytetare kundër qeverisë ka arritur sot në ditën e saj të 17-të. Gjatë gjithë kësaj periudhe, tubimet janë zhvilluar në një atmosferë paqësore, pa ndodhur incidente. Një aspekt i veçantë i kësaj proteste ka qenë prania e fëmijëve të vegjël, të cilët janë shfaqur si më aktivët në protestë.
Edhe në aktivitetin e sotëm, një burrë ishte i pranishëm me vajzën e tij të mitur. Vogëlushja theksoi se ajo merr pjesë në protestë me dëshirën e saj dhe jo për shkak të detyrimit nga ana e të atit.
“Të 14 ditët e fundit dalim për të protestuar; çdo ditë hasim në shqetësime të reja,” deklaroi babai i saj.
“Kam dalë me babin, por e bëj këtë vullnetarisht,” tha vogëlushja.
