Një konflikt i cili ka eskaluar në dhunë fizike u shënua këtë të mërkurë pasdite në qytetin e Durrësit.
Burime paraprake bëjnë me dije se dy të rinj u përfshinë në një sherr pranë sheshit “Pranvera”, për arsye ende të panjohura. Si rezultat i përplasjes, njëri prej tyre është dërguar në spital.
Raportimet tregojnë se fillimisht mes të rinjve pati një debat verbal në një pikë postare të zonës, ndërsa përplasja u zhvendos jashtë, ku situata u përshkallëzua në dhunë fizike.
Ndërkohë, forcat Shqiponja kanë shoqëruar autorin e dyshuar të ngjarjes.
