Një sulm me dronë nga Ukraina ka goditur një nga asetet më të rëndësishme energjetike të Rusisë, duke shkaktuar një zjarr të madh në rafinerinë e naftës Kapotnia Oil Refinery dhe çrregullime të përkohshme në trafikun ajror të Moskës.
Sipas informacioneve nga burime ruse dhe ukrainase, dronët arritën të depërtonin deri në këtë rafineri, e cila ndodhet rreth 16 kilometra nga Kremlini në Moskë. Pamjet e shpërndara në rrjetet sociale tregonin flakë të mëdha dhe re të dendur tymi që ngriheshin mbi këtë zonë industriale.
Si rezultat i këtij sulmi, autoritetet ruse ndërprenë përkohësisht funksionimin në katër nga aeroportet kryesore të Moskës: Domodedovo, Sheremetyevo, Vnukovo dhe Zhukovsky.
Ky incident ndodhi në të njëjtën periudhë kur presidenti ukrainas, Volodymyr Zelensky, ishte duke marrë pjesë në samitin e G7 që po mbahej në Francë, ku ai bëri thirrje për një rritje të mbështetjes ushtarake dhe ekonomike për vendin e tij.
Derimë tani, autoritetet ruse nuk kanë ofruar informacion mbi mundësinë e viktimave, ndërsa ekipet e emergjencës janë angazhuar në shuarjen e flakëve dhe në vlerësimin e dëmeve. Gjatë muajve të fundit, sulmet me dronë në territorin rus janë intensifikuar, duke u fokusuar në infrastrukturën energjetike dhe ushtarake të vendit, larg vijës së frontit.
