Pas publikimit të një videoje nga kreu i Partisë Demokratike, Sali Berisha, ku ngrinte shqetësime për kushtet në Shtëpinë e Fëmijëve në Shkodër, ka reaguar drejtoresha e institucionit.
Në një deklaratë publike, ajo akuzon Berishën se po përdor fëmijët jetimë për qëllime politike dhe për vëmendje në rrjetet sociale, ndërsa thekson se institucioni ka qenë gjithmonë i hapur për vizitorë dhe inspektime.
Drejtoresha bën me dije se gjatë tre viteve të fundit janë realizuar investime të rëndësishme me mbështetjen e Bashkia Shkodër, Këshilli i Qarkut Shkodër dhe partnerëve të tjerë, duke e transformuar institucionin pas një periudhe të gjatë mungese investimesh dhe mirëmbajtjeje.
Ajo i drejton gjithashtu një pyetje ish-kryeministrit Berisha, duke kërkuar të dijë nëse ai e ka vizituar ndonjëherë institucionin gjatë viteve kur ishte në pushtet dhe nëse ka dijeni për mënyrën se si është administruar në atë periudhë.
Në fund të reagimit, drejtoresha njofton se ka nisur procesi për rikonstruksionin e plotë të godinës përmes një bashkëfinancimi mes Bashkia Shkodër dhe Embassy of Japan in Albania, me synimin për të përmirësuar më tej kushtet e jetesës për fëmijët që strehohen aty.
Thoni drejtoreshës që sjan publiku të gjitha akoma, do tja dërgoj edhe vidjot tjera Doktorrit thuaj Zonjës, dhe pastaj bani pyetje.