Deputetja Marjana Koçeku ka ndarë në rrjetet sociale historinë frymëzuese të një vajze 18-vjeçare nga Kanadaja, e cila ka zgjedhur të udhëtojë e vetme drejt veriut të Shqipërisë për të zbuluar bukuritë natyrore të Dukagjinit dhe luginës së Drinit.
Në postimin e saj, Koçeku shprehet krenare që të rinj nga vende të largëta po zgjedhin gjithnjë e më shumë Alpet shqiptare dhe zonat malore të Shkodrës si destinacione unike për aventurë dhe turizëm natyror.
“Nji vajzë 18-vjeçare që udhëton fill e vetme nga Kanadaja për në malet tona. Jam shumë krenare për vizitën e saj në Dukagjin dhe në luginën e Drinit!”, shkruan deputetja, duke e shoqëruar mesazhin me pamje nga udhëtimi i të resë kanadeze.
Pamjet kanë marrë reagime pozitive në rrjet, ndërsa shumë komentues e kanë cilësuar këtë si një tjetër promovim të bukur për turizmin malor në Shkodër dhe Shqipëri.
