Bordi i Universitetit të Shkodrës është mbledhur këtë të hënë pas një kërkese të paraqitur nga rektori Tonin Gjuraj, lidhur me statusin e administratorit të universitetit, Mark Molla.
Sipas informacionit, kërkesa lidhej me faktin se administratori i sapozgjedhur ka mbushur moshën e pensionit dhe, për rrjedhojë, duhej të lirohej nga detyra.
Pas mbledhjes, bordi ka vendosur t’i shtyjë me një vit afatin e daljes në pension Mark Mollës, duke i dhënë mundësinë të vijojë ushtrimin e detyrës si administrator i universitetit.
Mark Molla ishte shpallur fitues i garës për postin e administratorit të Universitetit të Shkodrës më 24 prill të këtij viti.
