Policia e Tiranës ka nisur procedimin penal ndaj të paktën 23 individëve pas protestave të zhvilluara së fundmi. Në një deklaratë zyrtare, autoritetet shpjegojnë se gjatë protestës të mbajtur mbrëmjen e kaluar, janë realizuar veprime hetimore për identifikimin e atyre që kanë shkelur ligjin.
Verifikimet kanë treguar se disa pjesëmarrës në protest kanë organizuar dhe udhëhequr turmat, duke penguar lirinë e qarkullimit të mjeteve në disa rrugë të Tiranës, në të tjera rrugë nga ato të parashikuara më parë.
Puna për identifikimin dhe procedimin e individëve të tjerë të përfshirë vazhdon. Materialet përkatëse do t’i referohen Prokurorisë, për akuza si “Organizimi dhe pjesëmarrja në grumbullime të paligjshme”, “Prishja e rendit dhe qetësisë publike” dhe “Pengimi i qarkullimit të mjeteve të transportit”.
Për më tepër, një ditë më parë, një qytetar ka raportuar në polici se gjatë protestës së datës 16 qershor 2026, është ndjerë i kanosur nga Gentjan Progni, pas një debatimi lidhur me publikimin e një videoje në një platformë sociale, ku akuzohej se Progni kishte penguar qytetarët të shprehnin mendimet e tyre mbi podium.
Sipas denoncimit, Progni kishte përdorur fjalë që kallëzuesi i kishte interpretuar si kërcënuese.
Kallëzuesi ka pohuar se ai dhe bashkëshortja e tij ndihen të kërcënuar nga Progni. Policia ka marrë në pyetje Prognin, i cili ka pranuar se kishte kërkuar sqarime nga kallëzuesi për videon e publikuar në rrjetin social.
