Zëvendësministrja e Infrastrukturës dhe Energjisë, Edona Bilali, ka reaguar ndaj deklaratave të ish-socialistit Paulin Luli pas pjesëmarrjes së tij në protestën e zhvilluar në Tiranë.
Përmes një postimi në rrjetet sociale, Bilali vuri në dukje se qytetarët e Shkodrës dhe të Pukës e njohin mirë figurën dhe të kaluarën e Lulit, duke lënë të kuptohet se, sipas saj, përpjekjet për të krijuar një imazh të ri publik nuk përputhen me perceptimin që kanë njerëzit që e njohin prej vitesh.
“O Paulin rrej Tiranën me fabulën e punëtorit të ndershëm në Gjermani se Puka e tanë Shkodra e dinë se çfarë je!”, shkroi Bilali.
