Banorët e fshatit Kus, në zonën e Kasharit janë ngritur në protestë këtë të premte ku kanë bllokuar qarkullimin e makinave të tomazhit të rëndë të cilat sipas tyre rrezikojne shembjen e urës që lidh zonën.
Sipas protestuesve mjetet e kompanisë private 4AM, e cila po kryen punime në zonë ka dëmtuar strukturën mbajtëse të urës dhe kanë amortizuar rrugën për shkak të peshës së madhe. Ata shprehen se ndërhyrjet e deritanishme kanë qënë të përkohëshme dhe nuk garantojnë sigurinë e infrastrukturës.
Banorët kërkojnë ndalimin e mënjëhershëm të qarkullimit të kamionëve deri në rikonstruksionin e plotë të urës, teksa theksojnë se nuk e pengojnë lëvizjen e mjeteve të zakonshme.
Sipas banorëve të zonës, ura është e vetmja lidhëse mes fshteve Kus dhe Asqol, ndaj një shembje e mundëshme do ta izolonte tërësisht komunitetin dhe do të kufizonte lëvizjet për shërbimet e emergjencës apo furnizimin me produkte bazike për ta.
Nga dëshmitë e banorëve, mësohet se, ndërhyrja e fundit për asfaltimin e rrugës është bërë 50 vite më parë teksa theksojnë se do të vazhdojnë të pengojnë qarkullimin e mjetevetë tonazhit të rëndë derisa institucionet përgjegjëse të reagojnë.
