Një numër i konsiderueshëm protestuesish nga diaspora, pas një udhëtimi disa ditor nga Londra për në Tiranë, kanë arritur në bulevardin “Dëshmorët e Kombit”, ku janë pritur me entuziazëm nga banorët e qytetit.
Autokolona ka lëvizur gjatë gjithë ditës përmes qyteteve të ndryshme deri në momentin e mbërritjes në Tiranë.
Me thirrjet “Rama ik, Berisha ik”, ata kanë përshkruar rrugët e kryeqytetit për disa minuta.
Sot planifikohet të zhvillohet protesta e 21 mbarëkombëtare, ku pritet që qindramijëra protestues të kërkojnë rrëzimin e qeverisë, në përputhje me protestat e mëparshme.
