Kreu i PD Shkodër, Ardit Qylybyli, zhvilloi një takim me një pjesë të strukturës së Rajonit Nr. 2, të cilin e cilësoi si një tjetër dëshmi të forcës dhe traditës së kësaj zone, që sipas tij mbetet një bastion i Partisë Demokratike në Shkodër.
Në fokus të takimit ishte riorganizimi dhe forcimi i strukturave, si dhe ndërthurja e brezave, si një model bashkëpunimi për të çuar përpara angazhimin politik në qytet.
Gjatë takimit u prezantuan edhe drejtuesit e rinj të strukturës, Vjollca Hebovija dhe Alban Omi. Qylybyli vlerësoi kontributet dhe angazhimin e tyre ndër vite, duke u uruar suksese në detyrën e re.
Ai shprehu bindjen se përmes bashkëpunimit dhe organizimit më të fortë, Partia Demokratike do të rikthehet aty ku e meriton në Shkodër.
👉POSTIMI I PLOTË
Takimi i sotëm me një pjesë të strukturës së Rajonit Nr. 2 ishte një tjetër dëshmi e forcës dhe traditës së palëkundur të kësaj zone, një bastion i vërtetë i Partisë Demokratike në Shkodër. Kontributet ndër vite kanë qenë busull dhe mbështetje për shumë njerëz të fortë të partisë sonë.
Fokusi i takimit ishte riorganizimi dhe forcimi i strukturës, si dhe ndërthurja e brezave një shembull shumë i mirë për mënyrën se si duhet të ecim përpara së bashku.
Sot morën drejtimin e strukturës sonë znj. Vjollca Hebovija, një zonjë me vlera dhe kontribute të çmuara familjare, gjithmonë e gatshme dhe e palodhur në angazhimin e saj, si dhe z. Alban Omi, ku njihen prej vitesh kontributet familjare dhe aftësitë e tij organizative.
I uroj nga zemra suksese në këtë detyrë të re! Jam i bindur se së bashku do të jemi më të fortë dhe do ta rikthejmë Shkodrën dhe Partinë Demokratike aty ku e meritojnë.
