Këshilltari demokrat Anton L. Kokaj ka drejtuar akuza ndaj kryetarit të Bashkisë Malësi e Madhe, duke e bërë përgjegjës për problematikat me të cilat përballet zona.
Kokaj ngre shqetësimin për mungesën e ujit të pijshëm, problemet me energjinë elektrike dhe, sipas tij, mungesën e investimeve për zhvillimin e turizmit.
Ai kritikon gjithashtu institucionin vendor për mungesë transparence, duke pretenduar se problematikat e banorëve vijojnë të mbeten pa zgjidhje.
Në reagimin e tij, këshilltari demokrat shprehet në mënyrë të drejtpërdrejtë se kryetari i Bashkisë është përgjegjësi kryesor për situatën që ai e cilëson si të rënduar në Malësi të Madhe.
