Familjarët e Eglant Koçit kanë ngritur alarmin për zhdukjen e tij, pasi prej disa orësh nuk kanë mundur të kontaktojnë me të.
Sipas njoftimit të publikuar në rrjetet sociale, hera e fundit që ai është parë ka qenë pranë Sheshit “Willson” në Tiranë. Po sipas familjarëve, telefoni i tij rezulton i fikur që prej asaj dite.
Të afërmit shprehen se janë shumë të shqetësuar dhe u bëjnë thirrje qytetarëve që, nëse kanë parë Eglant Koçin ose disponojnë informacion mbi vendndodhjen e tij, të kontaktojnë menjëherë në numrin 068 506 1619.
Familja thekson se çdo informacion, sado i vogël, mund të jetë i rëndësishëm për gjetjen e tij.
