Një aksident me pasojë vdekjen e një shtetasi shqiptar është regjistruar në zonën e “Pirgos Ilias” në Peloponez të Greqisë.
Viktima është identifikuar si Fatmir Dyrmishi, 55 vjeç.
Sipas informacioneve të policisë greke, 55-vjeçari po lëvizte me biçikletë në një kryqëzim në hyrje të qytetit, kur në rrethana ende të paqarta u godit nga një kamion. Përplasja rezultoi fatale për Dyrmishin, i cili mori plagë të rënda.
Pas aksidentit, ai u transportua drejt spitalit, por pavarësisht përpjekjeve të mjekëve nuk arriti të mbijetojë.
Trupi i pajetë është dërguar në morgun e spitalit, ndërsa autoritetet greke kanë nisur hetimet për zbardhjen e plotë të rrethanave të aksidentit.
