Ish-kryebashkiaku i Shkodrës, Bardh Spahia, ka reaguar me tone të ashpra ndaj kryeministrit Edi Rama, duke e akuzuar për përgjegjësi politike lidhur me personat që kanë qenë pranë tij ndër vite.
Në një status në rrjetet sociale, Spahia përmend disa emra, mes tyre Charles McGonigal, Agron Yeffet dhe disa bashkëpunëtorë të tjerë, duke ngritur pyetjen se çfarë përgjegjësie mban Rama për këshilltarët dhe njerëzit e afërt me të.
Spahia përmend gjithashtu disa ish-bashkëpunëtorë të qeverisë, duke iu referuar çështjeve penale dhe hetimeve ndaj tyre. Sipas tij, nuk mund të pretendohet se kryeministri nuk ka pasur dijeni për veprimet e njerëzve që e kanë rrethuar.
“Edvin, kot shtiresh si ‘engjëll’ naiv i rrethuar nga ‘djajtë’. Ti je thjesht koka e këtij modeli të paskrupullt dhe kriminal”, shkruan Spahia.
Ai e cilëson modelin e qeverisjes si një “kartel” korruptiv, duke pretenduar se është ndërtuar dhe mbrojtur nga Rama.
Në fund të reagimit, Spahia kërkon dorëheqjen e kryeministrit dhe u bën thirrje qytetarëve që të marrin pjesë në protestën e 8 tetorit.
