Këngëtari shqiptar Alis Kallaci ka bërë thirrje për mbështetje ndaj Shqipërisë në Eurovision, teksa ka njoftuar se televotimi hapet sonte në orën 21:00.
Përmes një postimi në rrjetet sociale, artisti falënderoi publikun për mbështetjen ndaj këngës “Nân”, duke u shprehur se është “pafundësisht mirënjohës” për dashurinë që kënga ka marrë deri tani.
Alis bëri të ditur se në imazhet e publikuara gjenden kodet e votimit për çdo shtet, ndërsa theksoi se shqiptarët dhe mbështetësit kudo në botë mund të votojnë Shqipërinë me numrin 05.
Ai shtoi gjithashtu se për vendet që nuk janë të listuara, votimi mund të kryhet online përmes platformës esc.vote.
Në fund të mesazhit, artisti falënderoi publikun duke shkruar: “Faleminderit që e keni bërë ‘Nân’ tuajen.” ❤️🇦🇱
