Aktori dhe aktivisti Florjan Binaj ka zyrtarizuar pjesëmarrjen e tij si kandidat për Bashkinë e Tiranës në zgjedhjet vendore të 9 majit. Duke qenë i pranishëm në emisionin “Minuta e Parë” në News24, Binaj theksoi se do të marrë pjesë në garë si kandidat i pavarur, duke ruajtur të njëjtën pozicion që kishte shprehur edhe në nëntor, periudhë kur zgjedhjet u shtynë.
Ai sqaroi se ka ftuar të gjitha partitë opozitare që të bashkëpunojnë, me qëllimin për të ndërtuar një front të përbashkët, pavarësisht mënyrave të ndryshme të veprimit për arritjen e synimeve të tyre.
“E konfirmoj pa diskutim kandidimin. I qëndroj asaj që kam thënë në nëntorin e kaluar, kur u anuluan zgjedhjet. Jam kandidat i pavarur që ua kam shtrirë dorën e bashkëpunimit të gjitha partive të opozitës, për të krijuar një bashkëpunim që ka të njëjtin qëllim, por mënyra të ndryshme”, deklaroi Binaj.