Një aksident rrugor ndodhi pak minuta më parë në aksin e vjetër Fier-Vlorë, ku dy makina u përplasën dhe një këmbësor u lëndua si pasojë e incidentit.
Burime paraprake bëjnë me dije se nga përplasja, njëri nga shoferët humbi kontrollin mbi automjetin dhe përplasi një këmbësor pranë rrugës.
Pas aksidentit, këmbësori mori dëmtime si rezultat i goditjes dhe u transportua me urgjencë në Spitalin Rajonal të Fierit, ku po i jepet trajtimi mjekësor i nevojshëm.
Menjëherë pas ngjarjes, në vendin e aksidentit mbërritën forcat e Policisë Rrugore, të cilat nisën procedurat për zbardhjen e rrethanave të ndodhjes.
Një grup hetimor është angazhuar për të sqaruar shkaqet që çuan në aksidentin e dy automjeteve dhe për të ndërtuar dinamikën e plotë të ngjarjes.
Nuk dihen ende detaje të mëtejshme mbi gjendjen shëndetësore të këmbësorit të plagosur.