Pasi përfunduan marshimin nga Kryeministria, protestuesit janë vendosur në Sheshin Skënderbej.
Një nga protestueset i bëri thirrje pjesëmarrësve që të mblidhen sërish nesër, në orën 09:00, përpara Kuvendit.
Kjo thirrje vjen në prag të seancës së ardhshme parlamentare, pasi presioni i studentëve dhe qytetarëve çoi në anulimin e një seance të mëparshme.
Protestës iu shtuan gjatë dy ditëve të fundit edhe pedagogët, të cilët u bashkuan me tubuesit në rrugë.
Pjesëmarrësit kërkojnë dorëheqjen e kryeministrit Edi Rama, të cilin e akuzojnë për drejtimin e një qeverie të përfshirë në shumë skandale korrupsioni.
Qytetarët po protestojnë prej nëntë ditësh radhazi, në një lëvizje që, sipas tyre, nuk është parë që prej 36 vitesh.
