Një kamion i mbushur me misër është rrëzuar sot në rrugën Kardhiq-Delvinë, në drejtim të Sarandës.
Ngjarja ka ndodhur pranë hyrjes së tunelit, ndërsa ende nuk janë bërë të ditura arsyet dhe kushtet që çuan në aksidentin e fundit.
Policia ka mbërritur menjëherë në vendin e ngjarjes dhe po punon për të menaxhuar situatën dhe për të lehtësuar qarkullimin në këtë pjesë të rrugës.
Aktualisht nuk raportohet për të lënduar si pasojë e aksidentit.
Autoritetet pritet të publikojnë më shumë detaje dhe informacion rreth shkakut të ngjarjes në orët në vijim.
