Aktorët e njohura turke, Tuba Büyüküstün dhe Beren Saat, janë përfolur prej kohësh në media si rivale në industrinë e serialeve, por një prononcim i fundit nga Tuba Büyüküstün duket se ka hedhur dritë mbi këtë çështje.
Büyüküstün, e cila është e njohur për publikun shqiptar nga seriali ‘Diamante dhe Dashuri’, ka reaguar së fundmi duke thënë se gratë shpesh paraqiten si rivale ndaj njëra-tjetrës. Ajo shtoi se as ajo, as Beren Saat nuk kanë pasur ndonjëherë kontakt apo komunikim në lidhje me këtë histori, e cila, sipas saj, është krijuar për të tërhequr vëmendjen e publikut.
Megjithatë, komenti i aktores ka risjellë në vëmendje spekulimet lidhur me rivalitetin mes tyre. Büyüküstün theksoi edhe një herë rëndësinë e solidaritetit mes grave, duke u distancuar nga idetë e konfliktit dhe përçarjes që kanë qarkulluar në media.
