Një qytetar u ndalua pak minuta më parë nga forcat “Shqiponja” në Shkodër. Sipas dëshmive nga vendi i ngjarjes, dyshohet se gjatë kontrollit të mjetit të tij në Unazën Lindore iu gjet lëndë narkotike e llojit kanabis sativa.
Të njëjtat burime raportojnë se, në vijim të procedurave, policia ka zgjeruar kontrollet edhe në banesën e të ndaluarit në Bahçallëk, pasi ka dyshime se mund të gjendet lëndë narkotike edhe atje. Sipas informacioneve, personi është i njohur si problematik.
Policia e Shkodrës pritet të publikojë një deklaratë zyrtare mbi këtë incident.
