Banorët e Riyadhit në Arabinë Saudite kanë marrë njoftimin se rreziku është kaluar, pasi alarmet për sulme ajrore u aktivizuan në kryeqytet dhe u dëgjuan shpërthime.
Sipas BBC, kjo është hera e parë që në Riad bien alarmet që prej intensifikimit të sulmeve nga Houthët dhe shpalljes së embargos detare kundër Arabisë Saudite në korrik.
Mbrojtja Civile e Arabisë Saudite njoftoi për alarme në Riad dhe disa rajone të tjera të vendit të premten vonë dhe gjatë orëve të mëngjesit të së shtunës. Kjo ndodhi në një kohë kur përplasjet mes Arabisë Saudite dhe Houthëve të përkrahur nga Irani po përshkallëzohen.
Tensionet janë shtuar pas një vale sulmesh me dronë dhe raketa ndaj infrastrukturës saudite të naftës. Sipas burimeve, këto sulme gjatë javës së kaluar kanë shkaktuar zjarre dhe ndërprerje të përkohshme të punës.
