Një foshnjë 1-vjeçare nga Skrapari është dërguar me urgjencë me helikopter drejt Spitalit të Traumës në Tiranë, pasi dyshohet se ka pësuar dëmtim në dorë nga një grirëse mishi.
I mituri fillimisht ka marrë ndihmën e parë në vend, përpara se të vendosej transportimi drejt kryeqytetit për shkak të nevojës për trajtim të specializuar mjekësor.
Burime nga personeli mjekësor i Spitalit të Traumës bëjnë me dije se foshnja është aktualisht në sallë nën mbikëqyrjen e mjekëve dhe ndodhet në gjendje të qëndrueshme shëndetësore.
