Deputetja Marjana Koçeku ka reaguar pas vendimit të Gjykatës Speciale në Hagë ndaj ish-krerëve të UÇK-së.
Në një status në rrjetet sociale, Koçeku e cilëson vendimin si një goditje ndaj Kosovës dhe kujtesës së saj historike.
“Dënimi i çlirimtarëve e dënon për herë të dytë shpirtin e një populli martir si ai i Kosovës”, shkruan ajo.
Sipas deputetes, drejtësia europiane nuk mund të jetë e plotë pa drejtësinë e popujve që i përkasin kësaj hapësire, ndërsa shprehet se vendimi i sotëm ka cenuar këtë parim.
“Dënimi i ish-krerëve të UÇK-së e glorifikon krimin në Ballkan, agresorin dhe gjenocidet e ndodhuna”, vijon Koçeku.
Në përfundim, deputetja e kundërshton vendimin, duke deklaruar se, sipas saj, ai nuk përfaqëson drejtësinë në emër të shqiptarëve dhe të së vërtetës.
“Kjo nuk asht drejtësi në emër të shqiptarëve e as të vërtetës”, përfundon reagimin Marjana Koçeku.
