Futbolli bolivian është lëkundur nga një incident i rëndë që ka vënë në pikëpyetje sigurinë e lojtarëve. Portieri i skuadrës Guabiras, Juan Manuel Perel, ka qenë objekt i kërcënimeve me vdekje para ndeshjes kundër Always Ready, sipas raportimeve të fundit.
Kjo situatë shqetësuese është komentuar edhe nga trajneri i Guabiras, Leonardo Eguez, i cili ka folur për Associated Press lidhur me këtë çështje.
“Jeta e portierit tonë, si dhe jeta e gruas dhe nënës së tij, u kërcënua. Atij iu tha se nëse nuk paguante shumën e kërkuar nga shantazhuesit ose nuk pësonte tre gola në ndeshje, familja e tij do të vritej.
Është e pamundur të përgatitesh seriozisht për një ndeshje kur merr kërcënime me vdekje. Diçka e dyshimtë po ndodh dhe nevojitet një hetim” – tha trajneri Eguez.
Ngjarja ka nxitur debate rreth masave të sigurisë për futbollistët në vend, ndërsa kërkohet hetim i menjëhershëm mbi rrethanat e kërcënimeve ndaj Perel dhe familjes së tij.
