Një incident me armë zjarri ndodhi në një lokal përgjatë shëtitores “Taulantia” në Durrës.
Sipas informacioneve të siguruara nga vendi i ngjarjes, një person ka mbetur i plagosur nga të shtënat.
Forcat e policisë kanë shkuar menjëherë në vendngjarje, ndërsa i lënduari është transportuar drejt urgjencës së Spitalit të Durrësit për të marrë ndihmën mjekësore të nevojshme.
Aktualisht nuk janë bërë të ditura detaje rreth mënyrës dhe rrethanave në të cilat ndodhi ngjarja.
