Presidenti i Vllaznisë, Alban Xhaferi, ka reaguar pas sfidës dhe episodeve të tensionuara, duke ngritur pikëpyetje mbi vendimet e arbitrimit dhe ndërhyrjen e VAR-it.
“Dorjan Maleta dhe Kreshnik Bajramaj, VAR-i, vetëm një pyetje: Sa gola duhet të shënojë Vllaznia që të quhet një?” – shkruan Xhaferi.
Ai shkon edhe më tej, duke e cilësuar situatën si një problem që tejkalon një ndeshje të vetme:
“Numrat e telefonit po jua kursejmë. Pamjet flasin vetë. Problemi nuk është vetëm një ndeshje. Kur gabimet bëhen standard, problemi quhet sistem.”
Reagimi vjen pas barazimit 1-1 në Elbasan, në një ndeshje që u shoqërua me debate të forta për vendimet e arbitrave dhe tensione pas vërshëllimës së fundit.
