Kryetari i Bashkisë së Tiranës, Erion Veliaj, ka vendosur t’i ndërpresë Anuela Ristanit delegimin e detyrës, duke e shkarkuar kështu nga funksioni që ushtronte.
Ristani do të vijojë të mbajë postin e nënkryetares së Bashkisë së Tiranës, ndërsa me vendimin e ri nuk do të ushtrojë më detyrën që i ishte deleguar.
Në vendim sqarohet edhe se shkarkimi i Ristanit vjen mes të tjerash edhe pas refuzimit të saj si kryetare e komanduar, të zbatoje urdhrat e kryetarit Veliaj.
“Në periudhën pas vendimmarrjes së fundit të Gjykatës Kushtetuese, është evidentuar një shkëputje progresive e ushtrimit të kompetencave të deleguara nga autoriteti kushtetues dhe ligjor i Kryetarit të zgjedhur, e materializuar në mungesën e informimit dhe të koordinimit institucional, në moszbatimin e vendimeve gjyqësore në moszbatimin dhe refuzimin e urdhrave të drejtpërdrejtë të Kryetarit, si dhe në veprime dhe mosveprime që kanë cenuar zinxhirin normal të përgjegjësisë dhe drejtimit institucional të Bashkisë”
