Pasi ka shërbyer për tre vjet si zëvendëskryetar i Bashkisë Shkodër, Rudin Beka ka bërë të ditur dorëheqjen nga kjo detyrë. Gjatë mandatit të tij ka drejtuar sektorë të rëndësishëm të bashkisë, përfshirë planifikimin ekonomik, turizmin, bujqësinë, kulturën, sportin, arsimin, marrëdhëniet me donatorët, biznesin, të ardhurat dhe projektet strategjike të institucionit.
Më 14 maj 2023, Beka u rendit në listën e Partisë Socialiste për Këshillin e Bashkisë Shkodër, por u tërhoq nga pozicioni i këshilltarit për të marrë përgjegjësi në administratën bashkiake.
Para se t’i bashkohej bashkisë, Rudin Beka ishte pjesë e stafit akademik të Universitetit të Shkodrës “Luigj Gurakuqi”, ku ligjëronte në Fakultetin Ekonomik.
Kush është Rudin Beka
Rudin Beka mban detyrën e pedagogut në Fakultetin Ekonomik të Universitetit “Luigj Gurakuqi”, duke u specializuar në Turizëm dhe Komunikim. Ai ka përfunduar studimet e tij universitare në Gjermani dhe është i pajisur me titullin PhD në fushat e Brandimit dhe Impresionizmit.
Ndër përvojat e tij kryesore përfshihen ligjërata në universitete amerikane, pjesëmarrja në konferenca të mbajtura në Mbretërinë e Bashkuar mbi çështjet e turizmit, publikimi i librave në Amazon, autorësia e studimeve në revista ndërkombëtare, drejtimi i projekteve dhe organizimi i aktiviteteve studentore në Shkodër.
