Pas një periudhe me temperatura të larta, qyteti i Sarandës është përfshirë nga reshje intensive shiu të shoqëruara me vetëtima dhe bubullima. Ndryshimi i motit ka ndodhur papritur, duke e transformuar atmosferën në bregdet.
Situatë e ngjashme është regjistruar edhe në Delvinë, ku brenda pak minutash reshjet dhe breshëri kanë përfshirë të gjithë zonën. Moti i ashpër ka befasuar banorët e të dy qyteteve.
Këto reshje vijnë pas ditëve me temperatura të larta dhe janë shoqëruar nga intensifikim i aktivitetit elektrik në atmosferë.
