Zjarri që ka përfshirë zonën e Selishtës në Dibër ka marrë përmasa më të mëdha, duke u bërë gjithnjë e më kërcënues.
Flakët përhapen me ritme alarmante dhe janë shumë pranë banesave, çka ka shtuar ndjeshëm rrezikun si për popullsinë, ashtu edhe për pronat e tyre.
Ndërhyrja e ekipeve zjarrfikëse është tepër e vështirësuar për shkak të terrenit malor dhe aksesit të kufizuar për automjetet zjarrfikëse.
Pavarësisht sfidave, forcat zjarrfikëse në vendngjarje po vijojnë përpjekjet për të izoluar vatrën e zjarrit dhe për të ndaluar përparimin e tij drejt lagjeve të banuara.
