Një aksident automobilistik ndodhi pasditen e së mërkurës në zonën e Alikokës, në Vlorë, ku dy makina u përplasën mes tyre.
Për fat të mirë, nuk ka të lënduar nga ky incident; dëmet e regjistruara janë vetëm të natyrës materiale.
Zona ku ka ndodhur aksidenti është e njohur për vështirësitë që paraqet, për shkak të kthesave të shumta. Shpeshherë, shpejtësia mbi kufijtë e lejuar rezulton si një nga shkaqet kryesore të aksidenteve në këtë segment rrugor.
Forcat e policisë mbërritën në vendngjarje dhe po zhvillojnë hetimet për të sqaruar plotësisht shkaqet dhe rrethanat që çuan në këtë përplasje.
