Pasi përfunduan fjalimet pranë Kryeministrisë, qytetarët lanë një shenjë simbolike përpara largimit, duke dhënë gjithashtu një paralajmërim për veprimet e tyre të ardhshme, teksa nesër do të zhvendosen pranë Parlamentit.
Në Bulevard ata kanë shkruar me të mëdha datën “27 Korrik”, ndërsa në të dy anët kanë vizatuar një vezë, të cilën e kanë cilësuar si “armën” e tyre në protestën kundër deputetëve.
Protestuesit kanë paralajmëruar se nesër do të grumbullohen që në orën 08:30, në kohën kur Parlamenti pritet të zhvillojë seancën e fundit plenare.
Sipas tyre, ligjvënësit në Parlament nuk përfaqësojnë vullnetin e qytetarëve.
