Shkodra 24 news ka publikuar një material, ku pretendon se një sipërfaqe prej 4.4 hektarësh tokë publike është dhënë me qira për 10 vite, me një vlerë prej 3.6 milionë lekësh në vit, ndërsa fitues rezulton të jetë një person që sipas publikimit është kushëri i kryebashkiakut të Shkodrës, Benet Beci.
Në material shtrohen pyetje mbi mënyrën e zhvillimit të procedurës së tenderit dhe nëse janë respektuar standardet e konkurrencës, duke ngritur dyshime nëse kemi të bëjmë me një rast favorizimi apo thjesht me një procedurë të rregullt ligjore.
Pyetjet që kërkojnë përgjigje janë:
A është zhvilluar procedura me konkurrencë të plotë dhe transparente?
Sa subjekte morën pjesë në garë?
Si u përcaktua vlera e qirasë për 4.4 hektarë tokë publike?
A ka konflikt interesi në këtë procedurë?
Deri tani nuk ka një reagim publik nga Bashkia Shkodër apo nga personat e përmendur lidhur me këto materiale.
