Një ngjarje e rëndë ka tronditur Fierin, ku 7-vjeçarja e plagosur në aksidentin e ndodhur pak ditë më parë në unazën e qytetit ka ndërruar jetë.
E mitura ishte dërguar në gjendje kritike në Spitalin Rajonal të Fierit, ku iu nënshtrua menjëherë një ndërhyrjeje kirurgjikale për shkak të dëmtimeve të rënda të marra në aksident.
Sipas informacioneve, automjeti me të cilin udhëtonte vajza kishte humbur kontrollin dhe ishte përplasur me murin e një banese.
7-vjeçarja nuk arriti t’u mbijetojë plagëve dhe ndërroi jetë mëngjesin e kësaj të enjte.
