Rritja e tensioneve në Lindjen e Mesme ka rezultuar në një tjetër rritje të çmimeve të karburanteve në tregun vendas.
Në stacionet e karburantit në Tiranë, çmimi i naftës ka arritur në 188 lekë për litër, një rritje nga 176 lekë për litër që ishte në mes të muajit qershor, kur qeveria shpalli ndalimin e funksionimit të Bordit të Transparencës për monitorimin e çmimeve të karburanteve.
Ky rritje për naftën përbën 12 lekë për litër.
Po ashtu, benzina ka shënuar një rritje, duke u tregtuar me 184 lekë për litër, nga 166 lekë për litër, çmimi i caktuar nga vendimi i fundit i Bordit të Transparencës, duke reflektuar një rritje prej 18 lekë për litër.
Përshkallëzimi i konflikteve në Lindjen e Mesme ka ringjallur shqetësimet për furnizimin global me naftë dhe ka rritur rreziqet në tregjet ndërkombëtare.
Si pasojë, çmimi i naftës Brent Crude ka arritur sot në 76 USD për fuçi, një rritje nga 71 USD për fuçi që ishte në fillim të javës.
Në mes të muajit qershor, ministrja e Ekonomisë dhe Inovacionit, Delina Ibrahimaj, shpalli vendimin e qeverisë për të ndërprerë funksionimin e Bordit të Transparencës, duke argumentuar se çmimet e karburanteve kishin pësuar rënie për dy javë radhazi.
