Nikollë Gjekaj, kryetari i Partisë Konservatore të Malësisë së Madhe, ka denoncuar situatën kritike të mungesës së ujit të pijshëm në fshatin Pjetroshan.
Me anë të një deklarate, Gjekaj thekson se që nga rreth tre javë banorët e fshatit po përballen me këtë problem, ndërsa temperaturat e larta kanë arritur deri në 40 gradë Celsius.
Ai e quan këtë situatë si të papranueshme, duke theksuar se në kulmin e verës, ata janë të detyruar të përballen me mungesën e një shërbimi jetik siç është furnizimi me ujë të pijshëm.
Gjekaj ka kërkuar intervenimin e autoriteteve për të zgjidhur këtë problem, duke ngritur shqetësimin për nevojën e sigurisë së furnizimit të vazhdueshëm me ujë për familjet e kësaj zone.
