Trajneri i Egjiptit, Hossam Hassan, ka bërë një deklaratë të fortë pas humbjes 3-2 ndaj Argjentinës, duke ngritur dyshime për mënyrën se si u zhvillua sfida.
Tekniku egjiptian nuk i kurseu akuzat, duke pretenduar se rezultati ishte i paracaktuar.
“Do të them atë që kam në mendje, pavarësisht pasojave. Kjo ishte qartësisht një ndeshje e manipuluar dhe e gjithë bota e pa.”
Hassan shkoi edhe më tej në deklaratën e tij, duke vënë në pikëpyetje integritetin e kompeticionit.
“Dua të them edhe një gjë tjetër: Nëse duan që Argjentina të fitojë kaq shumë, atëherë pse i ftojnë të gjitha skuadrat të marrin pjesë?”
Deklaratat e trajnerit pritet të shkaktojnë debat të madh në botën e futbollit, ndërsa mbetet për t’u parë nëse organet kompetente do të reagojnë ndaj këtyre akuzave të rënda.
