Klubi i futbollit KF Vllaznia ka zyrtarizuar afrimin e mbrojtësit të majtë Emiljano Musta për sezonin e ri.
Përmes një njoftimi zyrtar, Vllaznia bëri të ditur se ka arritur marrëveshjen me futbollistin, i cili do të jetë pjesë e skuadrës kuqeblu në kampionat dhe në arenën europiane.
Klubi shkodran vlerëson eksperiencën e Mustës në futbollin shqiptar, duke theksuar se ai pritet të japë kontribut të rëndësishëm në realizimin e objektivave të ekipit gjatë sezonit të ardhshëm.
“Mirë se erdhe në familjen e Vllaznisë”, shkruan klubi në mesazhin e mirëseardhjes për mbrojtësin e majtë.
Musta bëhet kështu një nga afrimet e Vllaznisë në këtë merkato vere, teksa kuqeblutë vijojnë përgatitjet për sfidat e sezonit të ri.
