Një zjarr i madh ka shpërthyer pranë resortit turistik Costa Brava, në verilindje të Spanjës, duke i detyruar autoritetet të mbyllin më shumë se 10 komunitete në bregdetin katalanas, një nga vendet më të njohura për turistët gjatë verës.
Sipas informacioneve nga zjarrfikësit, zjarri ka filluar të dielën në mëngjes përreth komunitetit La Bisbal d’Empordà, që ndodhet afër Gironës, rreth 20 kilometra nga bregu i Detit Mesdhe.
Erërat e forta kanë ndihmuar në përhapjen e flakëve, ndërsa një re e madhe tymi ka mbuluar zonën. Si një masë paraprake, autoritetet kanë vendosur kufizime në lëvizje dhe kanë izoluar më shumë se 10 komunitete, përfshirë qytetin turistik bregdetar Playa d’Aro.
Ekipet e zjarrfikësve po vazhdojnë përpjekjet për të kontrolluar flakët, ndërsa autoritetet u kanë kërkuar banorëve dhe turistëve që të respektojnë udhëzimet për siguri. Deri tani, nuk janë raportuar asnjë viktimë.
