Nëse keni blerë bajame të cilat janë etiketuar si “BLANCHED ALMOND EXTRA FINE” dhe me datë skadence 22 tetor 2026, është e rëndësishme të mos i konsumoni.
Autoriteti Kombëtar i Ushqimit ka njoftuar se është informuar nga autoritetet europiane për prani të lëndës toksike, acidi hidrocianik, në një lot të këtyre bajameve, e cila tejkalon vlerën e lejuar dhe përbën një rrezik për shëndetin e njeriut.
Ky produkt, me origjinë nga Spanja, importohet në Shqipëri nga Albanian Smart Distribution, SHPK dhe Alta Group.
Sipas Autoritetit Kombëtar të Ushqimit, sasia prej 1100 kg e importuar nga Albanian Smart Distribution dhe N.N, është shitur tek konsumatorët.
Sa i përket një partie prej 100 kg bajame të importuara nga ALTA GROUP, 42 kg janë bllokuar dhe do të asgjësohen, ndërsa 58 kg kanë gjetur treg.
AKU u bën thirrje konsumatorëve që nëse kanë në posedim këtë produkt, ta hapin një procedurë kthimi në pikat e blerjes.
