Një aksident tjetër ka ndodhur në Pogradec, konkretisht në segmentin Pogradec–Qafë Thanë, duke rritur numrin e incidenteve në këtë rrugë.
Siç raportohet nga informacione të para, një automjet ka humbur kontrollin, ka dalë nga rruga dhe është përplasur me barrierat anësore.
Si rezultat, drejtuesi i automjetit ka pësuar lëndime. Aksidenti ndodhi para pak çastesh, dhe ambulanca u dërgua menjëherë në vendin e ngjarjes për t’i ofruar ndihmën e nevojshme të plagosurit.
Shërbimet e Policisë gjithashtu kanë mbërritur në vendngjarje, duke filluar hetimet për të zbuluar shkaqet dhe rrethanat e këtij aksidenti.
Aktualisht nuk ka një deklaratë zyrtare mbi gjendjen shëndetësore të drejtuesit, por burimet e vendit të ngjarjes raportojnë se ai po reagon, ndërsa pritet që ai të transportohet në spital për trajtim mjekësor.
