Lionel Messi vazhdon të thyejë rekorde dhe të shkruajë historinë e futbollit botëror. Ylli argjentinas realizoi golin e parë ndaj Austrisë në ndeshjen e Grupit të Botërorit, duke kaluar legjendën gjermane Miroslav Klose dhe duke u bërë golashënuesi më i mirë në historinë e Kupës së Botës.
Momenti historik erdhi në minutën e 38-të të takimit, kur Messi finalizoi me qetësi një aksion tipik të tij brenda zonës, duke dërguar topin në cepin e portës dhe duke ndezur festën e mijëra tifozëve argjentinas në stadiumin e Dallasit.
Me këtë gol, kapiteni i Argjentinës arriti në kuotën e 17 golave në fazat finale të Botërorit, duke lënë pas Miroslav Klosen, i cili mbante rekordin prej vitesh.
Ky nuk ishte rekordi i vetëm i vendosur nga 38-vjeçari. Messi u bë gjithashtu vetëm futbollisti i tretë në historinë e Kupës së Botës që shënon në gjashtë ndeshje radhazi të turneut, pas francezit Just Fontaine në vitin 1958 dhe brazilianit Jairzinho në vitin 1970.
Ky ishte goli i 4 i Messit në Botërorin e Amerikës.
