Për të shënuar 10-vjetorin e lumnimit të 38 martirëve të Kishës Katolike në Shqipëri, në Katedralen e Shën Shtjefnit në Shkodër u mbajt një meshë vigjiljeje.
Veçanti i kësaj meshe ishte prania e Imzot Angelo Massafra, i cili për afro 27 vite ka mbajtur postin e Arqipeshkëvit të Shkodër-Pultit. Kthimi i tij në Katedrale për këtë jubile të rëndësishëm për komunitetin katolik i shtoi ceremonialit një dimension të veçantë.
Përvjetori i 10-të i lumnimit të 38 martirëve përfaqëson një çast të rëndësishëm kujtese dhe reflektimi mbi flijimin e klerikëve e besimtarëve që u persekutuan gjatë diktaturës komuniste për arsye të besimit të tyre.
Mesha në Katedralen e Shën Shtjefnit është pjesë e një sërë veprimtarish përkujtimore që po organizohen në Shkodër, për të nderuar jetën dhe trashëgiminë shpirtërore të 38 martirëve.